कविता
पोटासाठी काय पण..!
तिच्या भारदस्त शरीरावर,
गिधाडांची झुंबड उडायची.
आणि अख्खी रात्र गिधाडे,
तिच्या नशेत बुडायची.
कुणी थेरडा, कुणी रोगी,
कुणी बेवडा,कुणी जोगी
येणारा प्रत्येक जण,
तिला भोगी.
ती करायची सारं,
गप्प गुमान.
ती पोसायची आपल्या,
जवानीवर हुमान.
लोक मौजमस्ती म्हणून
करतात सेक्स.
ती पोटाची खळगी भरावी.
म्हणून करते सेक्स.
घरी दोन चिल्लीपिल्ली,
वाट पहात असतात.
वाटेकडे डोळे लावून बसतात.
लोकांचा शीण घालवून
ती घरी येते.
स्वतःच शीणलेली.
गरिबी ची झालर,
पहा कशी विणलेली.
ती विकते शरीर.
पोटभरावं म्हणून .
कुणाचा आधार नसला ;
की ती जाते वेश्या बनून.
आपण म्हणतो तिला
रांड रंडी छिन्नाल.
वगैरे वगैरे. ...
========================
प्रा.श्री.धनाजी जनार्दन बुटेरे
कल्याण ठाणे
