कवडीमोल
धनी राबतो कष्टतो,
तरी पोटभर नाही.
किती गाळतोया घाम,
सारे महागाई खाई. ॥
कसं जगावं गरिबांनी,
पोट जाळत जाळत.
जगतोया कसाबसा,
आसू ढाळत ढाळत. ॥
राब राबतो शेतात,
महागाई करी स्वाहा.
अरं येड्या सरकारा,
एक येळ तरी पहा.॥
धनी जगाचा पोशिंदा,
पिकवतो दौलत.
जवा बाजारात उभा,
त्याची वंगाळ हालत.॥
माझ्या धन्याची दौलत,
शेतीमाळ कवडीमोल.
सारी कडे महागाई,
दुःख काळजात खोल.॥
प्रा श्री धनाजी जनार्दन बुटेरे
मु.पोई ,पो.वाहोली,
ता.कल्याण, जि.ठाणे,
फोन. 9930003930
कोणत्याही टिप्पण्या नाहीत:
टिप्पणी पोस्ट करा